Бројот на странски туристи во Франција значително се намалил во вториот квартал од годината, покажуваат најновите податоци кои ги објави француската влада. Како причина за тоа се наведуваат протестите, штрајковите и лошите временски услови.
Бројот на ноќевања на странски туристи во периодот од април до јуни се намалил за 8,5 проценти во однос на истиот период лани. Забележан е пад од 2,9 проценти и кај домашните туристи.
Според француските туристички работници, ова претставува голема загуба за туризмот, посебно откако состојбата во првиот квартал се подобрила по терористичките напади во ноември, кога во и околу Париз беа убиени 130 лица.
