Француската полиција денеска во Монтпелие привела 23-годишна жена под сомнеж дека планирала да изведе самоубиствен бомбашки напад.
Како што пишува британскиот весник „Индепендент“, жената е Французинка и имала труднички појас, во кој, наводно, сакала да скрие експлозив.
Полицијата го пребарала нејзиниот стан, во кој е пронајден појасот, а заедно со неа е уапсен и нејзиниот 35-годишен сопруг.
Двојката се наоѓа во домашен притвор, а истрагата е во тек.