fbpx

Франција: Доделувањето на мандатот е можност за излез од политичката криза

-

Франција ја поздравува одлуката на претседателот Ѓорге Иванов да му го додели мандатот за формирање влада на Зоран Заев, претседателот на СДСМ, соопшти денеска француското Министерство за надворешни работи.

„Ова е важна можност за земјата да излезе од политичката криза. Се надеваме дека новата влада ќе биде наскоро формирана“, стои во соопштението.

Од француското МНР велат дека новата влада и институциите треба да се фокусираат на стабилизирање на ситуацијата и на враќање на Македонија на евроатлантскиот пат.

„Франција ги повикува сите политички сили застапени во Собранието да воспостават конструктивен дијалог во рамките на институциите за идните власти наскоро да почнат со спроведување на итните реформи неопходни за трајна стабилизација на земјата и за напредок на патот кон евроинтеграцијата“, се вели во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...