„Инбокс 7“ го објави писмото кое „Студентски пленум“, организаторот на вчерашниот масовен студентски марш, му го предаде на министерот за образование, Абдилаќим Адеми, во кое ги изнесува своите барања и причините за протестот против воведување на екстерното тестирање на факултетите.
„Нашето барање е последица на неспособноста на студентските парламенти да ги заштитат интересите на студентите…Резултатите од овие испити ќе бидат пресудни за иднината на студирањето на секој студент. Мерката во формата која е претставена реформата е многу проблематична и е во директен судир со уставно загарантираните права на граѓаните на Република Македонија“, порачуваат студентите во писмото.
