fbpx

ФООМ обезбеди 1.260 хуманитарни пакети за загрозени ромски семејства

-

„Фондацијата Отворено општество – Македонија“ (ФООМ) обезбеди дополнителни 1.260 хуманитарни пакети за загрозените ромски семејства кои се социјално и економски најдиректно засегнати од пандемијата со корона вирусот, а кои не беа опфатени со првата дистрибуција на хуманитарна помош.

„Во соработка со Црвениот Крст, хуманитарните пакети ќе се дистрибуираат и ќе стигнат до домовите на над 5.000 граѓани од ромската заедница во 9 градови: Берово, Радовиш, Струмица, Кавадарци, Неготино, Кичево, Кочани, Штип и Велес“, соопштија од ФООМ.

Додаваат дека за непречено одвивање на активноста, Црвениот крст на терен ќе соработува со претставници на ромски организации кои се дел од РОМАКТЕД програмата како и со Кризниот штаб на општина Берово.

-„Фондацијата Отворено општество – Македонија“ будно го следи развојот на настаните врзани со здравствената криза и борбата со Ковид–19 и понатаму активно ќе се обезбедува помош и поддршка пред се за маргинализираните граѓани, чија заштита е највисок приоритет. Поддршката и учеството на ромската заедница во подобрувањето на условите за пристап до образование, здравствени и правни услуги, но и промената на перцепциите, ставовите и однесувањата кон Ромите останува наш фокус и понатаму“, се вели во соопштението на ФООМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...