Фондацијата Метаморфозис започна иницијатива за користење на канали за брза комуникација (instant messaging) помеѓу институциите и новинарите со цел проверка на вистинитоста на содржини пласирани во јавноста, велат од Советот за етика во медиумите.

„Креирани се четири затворени WhatsApp групи на следните теми кои се од посебен општествен интерес за државата и граѓаните: (1) ковид-19, (2) интеграции, (3) попис и (4) животна средина. Во овие групи претставници од надлежните институции ќе одговараат на новинарски прашања со цел да се потврдат одредени информации или да се разобличат дезинформации на дадените теми. Иницијативата има за цел да ја олесни работата на новинарите и медиумските работници во однос на пристапот, добивање и размена на брзи проверени информации,“ се вели во соопштението.

Доколку вашиот медиум е заинтересиран да се вклучи во која било од групите, пишете меил до violeta@metamorphosis.org.mk  со следниве информации:

–          Име на медиумот
–          Име и презиме на назначениот претставник/чка од вашата редакција за соодветната група
–          Негов/нејзин број на мобилен телефон што ќе биде во употреба за комуникација
–          Група/групи за кои го пријавувате новинарот.

Заради веродостојна и професионална комуникација, назначените претставници треба да се вработени во медиумите кои се членови на Про-медиа Регистарот на професионални медиуим.