fbpx

Фондацијата Метаморфозис од 18 до 20 мај ја организира меѓународната Open Data Conference

-

Фондацијата за интернет и општество Метаморфозис организира меѓународна конференција Open Data Conference во Скопје, која ќе се одржи од 18-ти до 20-ти мај, 2022 година. Ова издание на конференцијата ќе биде фокусирано на темата „Податоците и културата на отвореност“ и ќе биде составено од панел сесии, тркалезни маси и обуки. Настанот се организира во рамките на Проектот на УСАИД за граѓанско учество.

Конференцијата има за цел да ја обедини заедницата за отворени податоци со цел да споделува и учи, планира и соработува за иднината на отворените податоци, со посебен акцент на актуелната ситуација во Северна Македонија и регионот на Западен Балкан.

За време на тридневната конференција, широк спектар на практичари во полето на отворени податоци, претставници на влади и општини, медиуми, корисничка заедница, како и бизнис претставници и експерти за податоци од Северна Македонија, Западен Балкан и светот, ќе ги споделат своите мислења, идеи, искуствата и предизвиците во врска со спроведувањето на активности за отворени податоци.

На конференцијата се очекуваат дискусии и дебатирање за политиката за отворени податоци за отворени градови – во однос на техничките и не техничките предизвици, достигнувања и планови. Говорниците ќе се осврнат на потребата од забрзување на интероперабилноста, автоматизацијата и квалитетот на податоците, како процеси во позадина кои ќе обезбедат поголема вредност на отворените податоци.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...