fbpx

Фондацијата Метаморфозис ќе ѝ помогне на Владата да ја подготви новата Стратегија за транспарентност

-

Извршниот директор на Фондацијата за интернет и општество Метаморфозис, Бардил Јашари и заменик-премиерката задолжена за политики за добро владеење, Славица Грковска денеска потпишаа Меморандум за соработка. Целта е подготовка на нова Стратегија за транспарентност, која ќе придонесе кон подобрување на транспарентноста и отчетноста на Владата и институциите врз основа на принципите за соработка со граѓанското општество и размена на знаења и искуства.

„Оваа соработка има за цел да создаде нова Стратегија за владина транспарентност, со која ќе се дефинира стратешката рамка, но и планот на активности и потребните ресурси за нејзино спроведување. За Фондацијата Метаморфозис, подготовката на стратегијата претставува многу важен чекор, но уште поважна ќе биде нејзината имплементација, што конкретно ќе придонесе за подобрување на транспарентноста и отчетноста на Владата и владините институции. Тоа би влијаело на растот на сега разнишаната доверба на граѓаните во државните институции и на натамошно зајакнување на демократијата воопшто“, изјави извршниот директор на Фондацијата Метаморфозис, Бардил Јашари.

Стратегијата за транспарентност ќе има за цел да ги поврзе и усогласи веќе донесените политики, кои на директен или индиректен начин имаат за цел да ја подобрат транспарентноста на институциите, но и да даде нови насоки за подобрување на транспарентноста на институциите. Со креирањето на овој стратешки документ, правилата за комуникација на институциите со граѓаните и начелото на транспарентност ќе бидат операционализирани и унапредени. Целта на Стратегијата за транспарентност на Владата, која ќе биде подготвена во консултативен процес со засегнатите страни со поддршка од Фондацијата Метаморфозис, е да донесе системски промени во насока на доброто управување.

Стратегијата за транспарентност на Владата на Република Северна Македонија ќе биде подготвена преку широк консултативен процес, соопштија од владината прес-служба.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...