Ве сакаме покрај нас, порача претседателката на Европската Комисија (ЕК), Урсула фон дер Лајен, на прес-конференцијата во киното Фросина во Младинскиот културен центар (МКЦ) со премиерот Зоран Заев.
Двајцата најпрво имаа средба во владата, од каде се упатија во киното, кое е реновирано со пари од ЕУ.
„Ве сакаме покрај нас. Европската комисија и јас стоиме на тоа. Вие постигнавте извонреден напредок и донесовте храбра одлука и сакам да ви честитам за тоа. Сакам да бидам јасна дека сега ЕУ треба да испорача“, рече Фон дер Лајен.
Секое продолжување на блокадата за почеток на преговорите ги храни силите коишто се противници на европското единство, рече премиерот Зоран Заев на заедничката прес конференција со претседателката на Европската Комисија, Урсула фон дер Лајен.
Тој рече дека дека соработката со ЕУ се одвива со интензивна динамика во многу различни полиња.
„На средбата во Владата ја изразив надешта дека лидерите на земјите членки на ЕУ ќе ја реафирмираат декларацијата од Брдо-Крањ кога Словенија го презеде претседавањето со ЕУ за цврстата заложба за проширувањето на ЕУ со земјите од Западен Балкан. Блокадата на овој процес не во духот на оваа определба“, рече Заев.
Урсула фон дер Лајен во Скопје пристигна од Тирана, каде изрази поддршка за евроинтеграциските надежи на Албанија, но и на Северна Македонија.
По нејзината денешна посета на Скопје, утре доаѓа и еврокомесарот за проширување Оливер Вархеји.
