fbpx

Фицо: Словачка до 18 декември ќе поднесе тужба против ЕУ за квотите

-

Словачкиот премиер Роберт Фицо соопшти дека Словачка до 18 декември пред Европскиот суд на правдата ќе поднесе тужба против Европската унија затоа што е надгласана и наредено ѝ е да прими 802 бегалци во рамки на еднократните квоти за прераспределба.

– Немаме никаква причина да го промениме мислењето за тој наш став – рече Фицо и додаде дека своите материјали и документи за тужбата ги испратил до сите министерства.

Словачка, заедно со Чешка, Унгарија и со Романија, на состанокот на министрите за внатрешни работи на 22 септември, беше надгласана во врска со прашањето за прифаќање бегалци.

Фицо нагласил дека одлуката на Словачка да ја тужи ЕУ не е насочена против самите бегалци, ниту, пак, официјална Братислава е против солидарноста, туку против начинот на кој е одлучено.

– Не е во ред со мнозинско гласање да се одлучува за толку чувствителна тема. Тужбата може да има големо значење затоа што ќе реши многу прашања за односот меѓу суверените држави, како и за тоа како да се гласа – рече Фицо.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...