fbpx

Филипче: Се бара локација за изградба на новата болница во Струга

-

Пациентите од Струга и регионов, како и здравствените работници од струшката болница бараат нов објект. Болницата постои повеќе од пет децении и е со голем број инфраструктурни проблеми.

Болницата во Струга опслужува повеќе од 150.000 пациенти годишно и во неа се лекуваат и пациенти од други градови но и од соседна Албанија.

„Навистина одличен кадар работи во струшката болница во повеќе специјалности, но многу е лоша инфраструктурата. Разговаравме во неколку наврати дали вреди да се направи некаква реконструкција, меѓутоа нема да постигнеме ништо и затоа интензивно работевме со градоначалникот Мерко на идентификување на локација за новата болница“, рече министерот за здравство Венко Филипче.

Во однос на финансирањето рече дека има две опции, јавно-приватно партнерство и финансии од Светска банка и класично задолжување.

Во моментот во болницата работат речиси 300 вработени, од кои 46 се лекари-специјалисти, а 18 доктори по медицина. Сепак моменталниот кадар не ги задоволува потребите за толкав голем број пациенти, оти се соочуваат со дефицит. Во стратешкиот план од 2018 до 2022 биле побарани од Министерството за здравство нови вработувања, а биле одобрени и 20 специјализации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Возач загина откако со автомобилот слетал во река кај Колари

Тешка сообраќајна несреќа се случила вчера околу 18 часот на магистралниот пат Кичево – Гостивар кај селото Колари, во која животот го загубил скопјанец, откако со возилото што го...