fbpx

Филипче: Досега 10 загинати лица од пожарот во ковид болницата во Тетово

-

Министерот за здравство Венко Филипче информира дека досега 10 лица загинале во пожарот што вечерва ја зафати ковид болницата во Тетово. Во неговиот твит на Твитер, тој дополнува дека бројот на загинати лица може да порасне.

„Лекарите се борат за животите на повредените, да им посакаме среќа и да останеме со мислите со нашите сограѓани вечерва. Апелирам до медиумите и граѓаните да не се шпекулира со бројките. Сите потврдени информации навреме ќе ги споделиме“, напиша Филипче на Твитер.

Вечерва во Тетово пристигна и премиерот Зоран Заев и лидерот на ДУИ Али Ахмети. Во општинската зграда во Тетово заседаваше кризниот штаб. Премиерот Зоран Заев и тетовската градоначалничка Теута Арифи по одржаниот кризен штаб рекоа дека нема да излегуваат со изјави до моментот додека официјалните институции не соопштат детали.

Градоначалничката Арифи за медиумите кратко рече дека нема да даваат изјави додека официјалните институции не го соопштат бројот на жртвите, причините за пожарот и целиот тек на работите.

Поради фактот што се немаат точни информации за многу детали, договорено е и одлучено е да не се даваат детали, изјави тетовската градоначалничка Арифи.

Премиерот Зоран Заев се обрати на јавноста преку Фејсбук, информирајќи дека експлозија предизвикала пожар во модуларната ковид болница во Тетово.

„Борбата за живот трае сѐ уште, a сите служби реагираа пожртвувано и спасуваат луѓе. Изразувам најдлабоко сочуство до семејствата и блиските на починатите и посакувам брзо закрепнување на повредените. Причините за пожарот ќе бидат утврдени, за што правосудните органи се веќе на терен. Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово“, напиша премиерот Заев на Фејсбук.

Модуларната ковид болница во Тетово беше зафатена од катастрофален пожар вечерва нешто по 21 часот, а противпожарните екипи успеаа во брзо време да го изгаснат пожарот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...