Осмото издание на традиционалната манифестација Фестивал на францускиот филм, годинава е со неколку измени и со ревидирана програма. Фестивалот ќе има само еден ден во Охрид, а и свеченото отворање се сели во Скопје, на 17 јуни.
На фестивалот филмовите ќе бидат прикажани во рамките на свеченото затворање, кое ќе се одржи на 20 јуни во Охрид, од 20.30 часот.
Во Центарот за култура „Григор Прличев“ во Охрид ќе биде прикажани филмовите „Не во тој стил“ на Лика Белво, со актерите Емил Декен и Лоик Корбери, и „Идеален човек“ на Јан Гозлан, со Пјер Нине и со Ана Жирардо.