fbpx

„Фејсбукот“ и „Твитерот“ на Владата неми за поплавите, граѓаните се самоорганизираат

-

Страниците на Владата на Република Македонија на социјалните мрежи немаат објавено никакви информации за поплавите кои викендов го погодија Скопје и тетовскиот регион, во кои загинаа 22 лица.

На официјалните страниците на Владата на социјалните мрежи „Фејсбук“ и на „Твитер“ нема ниту препораки, ниту, пак, информации за собирање на хуманитарна помош. Последните објави на страниците се направени на 26 јули и се однесуваат за 53-годишнината од катастрофалниот земјотрес во Скопје во кој загинаа 1.070 лица , а 3.000 беа повредени.

Во текот на вчерашниот ден претставници на Владата, заедно со лидерот на владејачката партија ВМРО-ДПМНЕ, Никола Груевски ги посетија погодените места, разговараа со граѓаните и најавија преземање соодветни мерки за справување со последиците од невремето. Овие информации, преку кратки видео изјави се објавени само на страницата на „Фејсбук“ на ВМРО-ДПМНЕ, Никола Груевски и на страницата на владејачката партија, но не и на „Твитер“.

vlada i partija collage

Соопштение за поплавите и начинот за справување со нив има само една од двете Фејсбук страници на Црвениот Крст на Македонија, но не и на двата прифила на „Твитер“.crven krst fb 1

Граѓаните денеска самоиницијативно отворија Фејсбук-страница „Хуманитарна помош за поплавените семејства во Скопје “, на која се испраќаат апели за донации на храна, вода и волонтери.

Дваесет и две лица загинаа во поплавите на подрачјето на Гази Баба односно: Ченто, Стајковци, обиколница Смилковци и селото Црешево. Првичните информации од трагичниот биланс говорат и дека шест лица се водат како исчезнати, дваесетина се повредени, поплавени се многу куќи и објекти, направена е голема материјална штета.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...