fbpx

EWB: Нацртот на новата методологија за проширување ќе биде презентиран в среда

-

Предлогот за новата методологија за проширување на ЕУ ќе биде презентиран в среда, пишува „Јуропиан Вестерн Балканс“ (European Western Balkans), повикувајќи се на неофицијални извори во Париз и Брисел.

Европската комисија, која го подготвува текстот на предлогот, засега нема официјално најавено кога тој ќе се презентира. Првичниот план беше предлог – методологијата да се презентира месецов, како што најави еврокомесарот за проширување Оливер Вархеи, но тоа беше одложено.

Предлогот за новата методологија не е конечна верзија на новата методологија, туку за неа ќе се дискутира, а потоа ќе треба да биде усвоена со консензус од сите земји – членки.

Реформата на сегашната методологија за проширување почна во ноември минатата година, откако Франција ги објави своите забелешки и откако стави вето на отворањето на преговорите за зачленување со Македонија и Албанија.

Франција предвидува седум последователни етапи на преговорите за придружување, додека 9 други земји, меѓу кои Италија, Австрија и Полска, исто така дадоа свои предлози, кои главно се состојат во тоа седумте групи на поглавја да може да се отвораат и напоредно, а не само последователно, како што бара Франција.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...