fbpx

Европскиот суд го поништи Законот за високо образование во Унгарија

-

Европскиот суд во Луксембург го прогласи за ништовен Законот за високо образование со кој се регулира работата на странските факултети во Унгарија. Судот утврдил дека унгарскиот закон ги крши договорите на Европската унија и повелбата на унијата за темелни права, како и одредбите на Светската трговска организација.

Во 2017 година унгарскиот парламент донесе закон кој пропишува дека издавањето факултетски дипломи подразбира постоење договор меѓу Унгарија и земјата во која е седиштето на високошколската установа. Освен тоа, универзитетот мора да нуди студии и во земјата од која потекнува.

Претходно, највисокиот суд на Европската унија утврди дека унгарската влада на Виктор Орбан врши притисок врз странските организации, а особено врз Фондацијата Централноевропски универзитет на американскиот милијардер Џорџ Сорос. За да ги испочитува унгарските закони, Универзитетот во 2019 година од Будимпешта се префрли во Виена. Во јуни Европскиот суд го поништи и законот за регулирање на работата на невладините организации во Унгарија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...