Претседателот на европската десница Жозеф Дол денеска ја поздрави „долгоочекуваната“ Стратегија за Западен Балкан и порача дека Европската народна партија (ЕПП) останува посветена на интеграцијата на земјите од Западен Балкан во Европската Унија, но истовремено очекува од нејзините партнери да ги исполнат реформите што ги презеле за доброто на својот народ и регионот во целина.
Сепак, тој во изјавата додава, дека „за жал многу од актуелните лидери во регионот заземаат сосема поинаква насока од онаа што ја бара ЕУ”.
„Земјите од Западен Балкан се наши најблиски партнери и географски се веќе внатре во границите на ЕУ. ЕПП останува подготвена и посветена да ја поддржи нивната интеграција во ЕУ и да им помогне во нивниот реформски пат. Но, останува уште многу работа“, вели Дол.
#WesternBalkans : We remain committed to the Western Balkan countries joining the #EU family but we also expect that our partners deliver on the reforms for the benefit of their people and the region as a whole https://t.co/t5gPAwuNYk
— Joseph Daul (@JosephDaul) February 6, 2018
Дол нагласува дека имплементацијата на неопходните реформи и решавањето на отворените билатерални спорови останува јасен предуслов за членство во ЕУ.
„Змејите од Западен Балкан мора, исто така, да продолжат со борбата против корупцијата, почитувањето на владеењето на правото и воспоставување на независен правосуден систем. Само тогаш нивните економии ќе се стаблизираат, привлекувајќи нови инвестиции, создавајќи нови работни места и просперитет за нивните граѓани, особено младите“, вели претседателот на ЕПП.