fbpx

Европратениците бараат воведување визи за државјаните на САД и на Канада

-

Членови на Одборот за граѓански слободи на Европскиот парламент ја повикаа Европската комисија да ги почитува правилата и да донесува привремени мерки за суспензија на безвизниот режим за граѓани во САД и во Канада, кои не го почитуваат начелото на визен реципроцитет.

Одредени светски агенции пренесуваат дека некои од европратениците изјавиле дека Европарламентот би можел да ја тужи комисијата поради непочитување на законите.

Членовите на одборот за ова прашање расправале со комесарот за внатрешни работи и за миграција на ЕУ, Димитрис Аврамопулос, кој е надлежен за прашања поврзани со визите.

Се наведува дека европските пратеници не сакаат да разговараат за можните последици од воведување визи за граѓаните на САД и на Канада и истакнуваат дека постапката е јасна кога некоја трета земја не го почитува визниот реципроцитет.

Од друга страна, европскиот комесар Аврамопулос изјавил дека тоа би било исклучително контрапродуктивно и би се залагал тоа прашање да се решава со трпелива дипломатија.

Канада бара визи за Бугарија и за Романија, а САД за граѓаните на Хрватска, Бугарија, Кипар, Полска и на Романија.

Американците неодамна усвоија закон со кој би можел да бидат засегнати земјите потписнички на Шенгенскиот договор, чии граѓани имаат двојни државјанства.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...