Во последното деноноќие евидентирани се 81 нов случај на ковид-19, од направени 734 тестови, соопштува Министерството за здравство. Оттаму информираат дека од вкупниот број позитивни пациенти, 20 се реинфекции. Вкупната бројка на ковид дијагностицирани лица во нашата земја од почетокот на епидемијата, е 342.961.
„Во текот на изминатите 24 часа, не е регистрирано починато лице. Согласно, Регистарот на умрени лица со дијагноза ковид-19 од „Мој Термин“, не се регистрирани починати лица“, велат оттаму.
Досега во земјата се направени вкупно 2.169.626 тестирања. Бројот на оздравени пациенти е 332.932, на починати е 9.534 а бројот на активни случаи изнесува 495.