Регулаторната комисија за енергетика и водни услуги ја зголеми цената на горивата, при што бензинот од 95 октани поскапува за половина денар, а тој од 98 октани и дизелот поскапуваат за цел денар.
Новите цени ќе бидат на сила од полноќ. Со тоа, литар бензин ЕУРОСУПЕР БС-95 ќе изнесува 71 ден/лит. Малопродажната цени на бензинот ЕУРОСУПЕР БС-98 ќе изнесува 73 ден/лит, додека малопродажната цена на ЕУРОДИЗЕЛ (Д-Е V) ќе изнесува 62,5 ден/лит.
Малопродажната цена на Екстра лесното масло за домаќинство (ЕЛ-1), се зголемува за 1,5 денари за литар и ќе чини 62,5 ден/лит.
Малопродажната цена на Мазутот М-1 НС се зголемува за 1,089 ден/кил и ќе изнесува 37,019 денари за килограм.
