fbpx

„Еуромакс“ нема да ги тужи активистите за Иловица, ќе користи други „правни механизми“

-

Нема најава дека „Еуромакс Рисорсис“ ќе ги тужи струмичките еколошки активисти за нивните објави на социјалната мрежа „Фејсбук“ поврзани со отворањето на рудникот Иловица чиј концесионер е оваа компанија. Во најновото соопштение упатено до јавноста, се вели дека „Еуромакс“ ќе продолжи да ги користи сите правни механизми за да спречи ширење на дезинформации и лажни вести за проектот и компанијата, без образложување што конкретно подразбира под тоа.

Во дописот од „Еуромакс“ стои дека, согласно Законот за граѓанска одговорност за навреда и клевета, побарале „од одредени поединци да се извинат за изнесување паушални и манипулативни изјави што не се поткрепени со факти или со експертско мислење“ и дека во барањата за извинување кои се доставени до поединците немало закани, туку едноставно барање за извинување согласно роковите пропишани со Законот за граѓанска одговорност со цел населението да биде запознаено со вистинските информации и факти за проектот.

Од „Еуромакс“ тврдат дека пишувањата на социјалните мрежи биле со цел да се наштети на реномето на „Еуромакс“, како и на проектот Иловица – Штука, а со тоа и врз вредноста на акциите на компанијата, која котира на берзата во Торонто, поединците ги објавуваа овие изјави на социјалните медиуми“.

На четворицата струмички еко-активисти, собрани зад граѓанската иницијатива која се бори против отворање на рудникот на бакар и злато во атарот на струмичките села Иловица и Штука минатата недела, од страна на правните застапници на „Еуромакс Рисорсис“, писмено им беше наложено во рок од 48 часа да објават јавно извинување и демант на своите пишувања поврзани со странскот концесионер, во спротивно ќе се соочат со тужби за клевета и навреда.

Наместо тоа, тие објавија уште поостри коментари на сметка на концесионерот, нарекувајќи ги овие дописи од адвокатите на „Еуромакс“ – обид за заплашување и деморализирање на народот. Со истиот став излегоа и дваесетина еколошки и граѓански иницијативи од државата, кои ги поддржаа струмичките екологисти.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Промоција на винил компилација „Поп култура“, во чест на Мирко Попов

Вечерва ќе се одржи промоција на винил компилацијата „Поп култура“ во едукативниот културен центар „Лабораториум“, во рамките на платформата „Силата ЕУ Младите“. Изданието содржи песни од млади современи македонски поп...