В среда, на 19 април, шефот на Делегацијата на Европска Унија, Самуел Жбогар, ќе оди во посета на Неготино како дел од кампањата „ЕУ за тебе“.
Кампањата има цел да ја информира јавноста за помошта што ЕУ ѝ ја дава на земјата.
Во Неготино амбасадорот ќе се сретне со градоначалникот Ванчо Апостолов и ќе ги посети проектите финансирани од ЕУ.
Амбасадорот Жбогар и градоначалникот Апостолов ќе се обратат на завршната конференција на проектот „Би-економи – поддршка и развој на економијата за производи од пчела“. Овој проект е финансиран од програмата за меѓугранична соработка на ЕУ и чини 540.634 евра.
Жбогар ќе ја посети и средношколската организација за медиумска писменост и за интерактивна активност, развиена во рамки на проектот „Македонска коалиција за медиуми и информациска писменост“. Проектот чини нешто повеќе од 300.000 евра и има цел да им помогне на студентите да станат медиумски писмени, да знаат како да пристапат и да ги согледаат информациите и како да ги изразат своите мислења преку медиумите.
