ЕУ ќе воведе нови санкции кон Русија, додека НАТО ќе има итен состанок по почетокот на руската инвазија врз Украина. Генералниот секретар на НАТО, Јенс Столтенберг утрово остро го осуди рускиот напад врз Украина, којшто става во ризик безбројни цивилни жртви.
„Ова е бескрупулозно кршење на меѓународното право и сериозна закана за евроатланската безбедност“, напиша Столтенберг на социјалните мрежи.
I strongly condemn #Russia’s reckless attack on #Ukraine, which puts at risk countless civilian lives. This is a grave breach of international law & a serious threat to Euro-Atlantic security. #NATO Allies will meet to address Russia’s renewed aggression. https://t.co/FPpyuzmUXD
— Jens Stoltenberg (@jensstoltenberg) February 24, 2022
Американскиот претседател Џо Бајден го осуди рускиот напад за којшто оцени дека е неиспровоциран и неоправдан.
„Претседателот Путин избра однапред осмислена војна која што ќе донесе катастрофални загуби на животи и човечки страдања“, изјави претседателот Бајден.
Бајден додава дека единствено Русија ќе биде одговорна за смртта и уништувањето што ќе ги донесе овој напад, а САД и нивните сојузници и партнери во светот ќе одговорат на обединет и решителен начин.
Претседателката на Европската комисија (ЕК), Урсула фон дер Лајен го оквалификува како варварски нападот на Русија врз Украина. Таа додава дека во текот на денов ќе следат санкции од ЕУ кон Русија, коишто ќе бидат масивни и таргетирани. Санкциите ќе ги погодат клучните сектори на руската економија и ќе вклучат замрзнување на рускиот имот во ЕУ и пристапот на руските банки до европскиот финансиски систем.
We will not let President Putin tear down Europe's security architecture.
He should not underestimate the resolve and strength of our democracies.
The European Union stands with Ukraine and its people.
Ukraine will prevail.
— Ursula von der Leyen (@vonderleyen) February 24, 2022