Европска Унија официјално ги продолжи санкциите против Русија до 2017 година.
Тие се воведени поради окупацијата и илегалната анексија на украинскиот полуостров Крим и поради поддржување на проруските сепаратисти на истокот на Украина.
Санкциите се однесуваат на финансискиот и на енергетскиот сектор на Русија, а стапија на сила во јули 2014 година и оттогаш се продолжуваат на секои шест месеци.
Одлуката била донесена минатата недела и нема измени во режимот на санкции во однос на досегашната состојба. Одлуката утре ќе биде објавена во Службен весник на ЕУ.
