fbpx

ЕУ ја исполни целта, вакцинирани 70 отсто од возрасното население барем со една доза против ковид-19

-

Претседателката на Европската комисија, Урсула фон дер Лајен денеска објави дека постигната е целта 70 отсто од возрасното население во земјите-членки на ЕУ да се вакцинира барем со една доза на вакцина против ковид-19, јавува „Јуроњуз“.

Таа додаде дека заклучно со денешниот ден 57 отсто од сите жители на ЕУ над 18 години имаат примено две дози на вакцина против ковид-19.

Фон дер Лајен објасни дека ЕУ си ја исполнила целта што ја зацртала пред граѓаните, но и додаде дека мора да продолжи напорот да се имунизираат што е можно поголем број луѓе. Таа предупреди дека делта варијантата на корона вирусот е многу опасна. Претседателката на Европската комисија ги повика сите граѓани на ЕУ да се вакцинираат, како за заштита на сопственото здравје, така и за заштита на другите.

Покрај ЕУ, во напредна фаза на вакцинација против ковид-19 во моментов се и Велика Британија и САД. Во Велика Британија, 88,1 отсто од возрасните лица примиле барем една доза вакцина против ковид-19, додека 70,5 отсто од граѓаните над 18 години се целосно вакцинирани. Во САД досега се целосно вакцинирани со две дози 60 отсто од возрасното население.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЕУ воведе санкции кон Русија поради смртта на Навални

Вчера Европската Унија одговори на смртта на рускиот опозиционер Алексеј Навални со нови санкции, јавува ДПА повикувајќи се на дипломатски извори. Санкциите претходно ги најави шефицата на германската дипломатија Аналена...