fbpx

ЕСМ ја гради првата фотоволтаична централа во РЕК Осломеј

-

Генералниот директор на Електрани на Северна Македонија (ЕСМ) Васко Ковачевски оствари работна посета на РЕК Осломеј. Тој ја посети локацијата на која што треба да биде изградена фотоволтаичната централа, прва во сопственост на АД ЕСМ. Подготвителните работи за изградба на фотоволтаикот се во тек и полека пристигаат потребните материјали, информираат од ЕСМ.

Од компанијата велат дека реализацијата на овoј исклучително значаен проект за државните електрани продолжува и покрај предизвиците што ги наметна пандемијата со ковид-19 и политичките случувања во земјата.

„Според развојната стратегија на АД ЕСМ на површини во рудникот на РЕК Осломеј, предвидена е изградба на две фотоволтаични централи. Ист таков капацитет од обновливи извори на енергија ќе се гради и во РЕК Битола“, се вели во соопштението на ЕСМ.

Кон крајот на ноември минатата година, турската компанија „Гиришим електрик“ беше избрана за да ја изгради фотонапонската електрана со инсталирана моќност од 10 мегавати во кругот на кичевската термоелектрана.

Новиот енергетски капацитет ќе може да произведува електрична енергија за 2.000 домаќинства во Кичево, а со инвестицијата ќе се обезбеди не само транзиција во производството на струја од јаглен во зелени извори на енергија, туку и сигурно работно место за вработените во РЕК „Осломеј“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...