Собраниската комисија за прашања на изборите и на именувањата на денешната седница го потврди предлогот на Беса, Ермира Асани-Салија да биде нов член на Државната изборна комисија (ДИК).
Асани-Салија е дипломиран правник од Гостивар и членка на централното претседателство на Беса.
Таа доаѓа на местото на Бедредин Ибраими од ДПА, бидејќи сега Беса е четврта партија во Собранието според бројот на пратеници по предвремените парламентарни избори што се одржаа на 11 декември минатата година.
Претседателот на Комисијата, Илија Димовски, изрази благодарност до Бедредин Ибраими за досегашниот ангажман и коректната работа како член на ДИК.
Како што е највено, изборот на новиот член на ДИК ќе биде ставен на дневен ред на денешната пленарна седница.
