Турскиот претседател Реџеп Таип Ердоган денеска повторно повика во Сирија да се создаде зона во која ќе бидат забранети летови, а која истовремено ќе им овозможили на бегалците да се вратат дома.
Апелот на Ердоган доаѓа неколку дена пред самитот на лидерите на Г20, кој на 15 и на 16 ноември ќе се одржи во Анталија.
Турскиот претседател рече дека треба да се создаде безбедна зона, ослободена од „тероризам“, каде бегалците би можеле да се населат.
Во Турција во моментов се наоѓаат повеќе од два милиони бегалци од Сирија.