Европскиот парламент денеска го ратификуваше политичкиот и трговски договор меѓу Молдавија и Европска Унија, пренесува „Радио Слободна Европа“.
За sпогодбата за асоцијација, која Молдавија ја потпиша во јуни годинава, гласаа 535 пратеници, а 94 беа против.
Пред да стапи на сила, спогодбата за асоцијација треба да биде ратификувана од парламентите на сите 28 членки на ЕУ.
Русија е против ваквите договори помеѓу ЕУ и поранешните советски републики, но ЕУ и молдавските власти велат дека на нивното партнерство не треба да се гледа како на провокација за Русија.
Претседателот на молдавскиот парламент, Игор Корман, рекол дека овој договор не е против никого, туку дека е договор во корист на граѓаните на Молдавија.
