Тренерот на Барселона, Луис Енрике, изјави дека Каталонците во ниту еден момент не планирале иднина без напаѓачот Лионел Меси.
Меси, по изјавата дека не му паѓа напамет да замине од Барселона, на доделувањето на „Златна топка“, изјави дека не знае каде следната година ќе игра.
Енрике нагласи дека верува оти Меси ќе игра за Барселона и во следните години.
– Тоа го сакаат сите навивачи, не планираме тим без Меси – рече Енрике.
Шпекулациите за евентуалното заминување на Меси од клубот се појавија откако во јавноста се појави вест за неговиот судир со Енрике.
Меси беше на клупата за време на шокантниот пораз на неговиот тим против Сосиједад од 1:0, поради што тој следните ден, од револт, иако формално наведе дека на клупата бил поради стомачни проблеми, наводно, одбил да дојде на тренинг.
