fbpx

Груевски во Рим привлекува италијански инвестиции

-

Премиерот Никола Груевски и министерот за привлекување странски инвестиции, Џери Наумоф, оствариле средба со италијански бизнисмени во Рим. Ним им биле презентирани можностите за инвестирање во Македонија.

На средбата присуствувале сопственици и менаџери на компании од повеќе сектори, како автомобилската, електронската, текстилната и дрвната индустрија, но и од енергетскиот сектор.

– Дел од нив веќе беа запознаени со условите за инвестирање во Македонија, затоа што веќе имале контакт или со нашите министри или со економските промотори, но дел и не беа запознаени. И за едните и за другите беше корисно да зборуваме за повеќе детали и за информации за правење бизнис во Македонија и тоа беше навистина корисно за сите овие компании – изјави премиерот Груевски по средбата.

Некои италијански стопанственици ќе ја посетат државата во јуни или јули, за на терен да се запознаат со можностите за инвестирање, но и да остварат контакти со компаниите и со државните институции.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.