Двајца рудари, изутрината околу 7.15 часот, се донесени во штипската Клиничка болница, со повреди од експлозија што се случила додека работеле во рудникот на „Индо инерали и метали“ во Добрево, кај Пробиштип.
Штипската полиција потврди дека дошло до ескплозија, од засега непознати причини. Притоа, настрадале 42-годишниот рудар со иницијали Д.З. и 49-годишшниот З.Т., и двајцата од Пробиштип. На потешко повредениот Д.З., експлозијата му го зафатила лицето. Другиот е со полесни повреди. Од Клиничката болница соопштија дека потешко повредениот рудар е прегледан од општ хирург и од масксилофацијален хирург, како и од очен лекар, по што ќе биде опериран.
Вториот рудар, по свое барање, ќе биде пуштен на домашно лекување.
Полицијата соопшти дека се очекува увид од рударски инспектор и од јавен обвинител.
Ова е втора рударска несреќа во десет дена во рудникот на „Индо минерали и метали“ во Добрево. На 24 ноември врз рудар падна камен блок, по што тој заврши со повреди на грбот.
В.К.
