Четири цивили загинаа, а околу 40 се ранети во бомбашкиот напад во џамија на истокот на Авганистан, изјави гувернерот Атаулах Хогијани.
Тој изјави дека џамијата била полна со муслимански верници кои го слават светиот месец Рамазан и дека очекува бројот на жртвите да се зголеми затоа што многу од повредените се во критична состојба.
Експлозијата се случила за време на молитвата во областа Родат во провинцијата Нангархар, која се граничи со Пакистан.
Во Нангархар талибанците од почетокот на годината водат жестоки борби против напаѓачите лојални на Исламска држава. Во таа провинција дејствуваат и други бунтовници чии бази се наоѓаат во соседен Пакистан.
