fbpx

ЕК нуди финансиска помош за решавање на мигрантската криза

-

Европската комисија им понуди помош на Франција и на Велика Британија за решавање на кризата со мигрантите, кои настојуваат преку тунелот Ла Манш илегално да влезат во Велика Британија.

– Европската комисија ќе го испрати првиот дел од финансиската помош за Франција, 20 милиони евра, додека Велика Британија веќе доби 27 милиони евра помош – изјави синоќа еврокомесарот за миграција и за внатрешни работи, Димитрис Аврамопулос, по состанокот со министрите на Франција и на Велика Британија, Бернар Казнев и Тереза Меј.

Европската комисија на државите им понуди и техничка помош, вклучувајќи и помош во процесот на барање азил со посредништво на својата агенција Фронтекс, која би можела да помогне во идентификацијата и во регистрацијата на мигрантите.

Франција и Британија минатата недела постигнаа договор за засилување на напорите за обезбедување на пристаништата и на тунелите под Ла Манш во обид да се спречат илегалните мигранти.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...