Едвај тројка за училиштата од просветните инспектори, само шест добија четворка

-

Со оценка 2,77 просветните инспектори го оцениле квалитетот на воспитно-образовниот процес во македоските училишта. Ова стои во последниот извештај на Државниот просветен инспекторат, кој се однесува на квалитетот на наставата во основното и во средното образование.

Вакви извештаи инспекторатот подготвува еднаш годишно, за секоја измината учебна година. Оценката се дава по претходна проверка на наставните планови и програми, постигнувањата на учениците, учењето и наставата, поддршката на учениците, училишната клима и односи во училиштето, а се оценува и врз оснва на ресурсите, како и управувањето и раководењето со училиштето.

Оценките се добиваат преку т.н. процес на интегрална евалуација. Изминатата учебна година направени се вакви евалуации во 161 училиште во државата, од кои само шест се оценети со највисоката оценка „многу добар“. Сто и седум училишта добиле оценка тројка, а 48 биле оценети со „делумно задоволува“ Овојпат нема училиште кое е оценето според индикаторите за квалитет на работа на воспитно-образовните установи, е на ниво „не задоволува“. Во просек, нивото на работа на воспитно–образовните институции е 2,7.

Како слаби страни, во извештајот наведени се наодите дека училиштата не работат на подобрување на постигањата на ученците, нецелосно реализират ученички екскурзии, а слободните часови и проектни активности не ги прошируваат знаењата на учениците.

– Констатирано е дека во училиштата не прават разлика спрема учениците од различна полова и социјална припадност, навремено изготвуваат анализи за постигањата на учениците, но добиените резултати од тие анализи не се користат за подобрување на процесот на учење и работата на наставниците и за подобрување на постигањата на учениците. А истата констатција како слаба страна се најде и во минатогодишниот извештај – забележал Томе Спировски, директорот на инспекторатот, кој е еден од авторите на извештајот.

Во извештајот стои дека регистрирани се мал број и неактивни училишни спортски клубови. За учениците со посебни образовни потреби при изготвување на планирањата во инклузивните тимови кај поголемиот број училишта не се почитува процедура за вклучен родител. Не се реализира доволно ниту додатната настава.

„Во сите воспитно–образовни установи воспитно-образовниот процес го планираат согласно наставните планови и програми. Ако дополнителната настава ја реализираат во определена мера, во најголемиот број училишта додатната настава е слаба страна. Училиштата ја почитуваат законската процедура при изрекување на педагошки мерки и при премин на ученици. На ниво на сите основни училишта е утврдено дека не се користат стандардизирани тестови за упис на деца во прво одееление, со цел да постои усогласеност и упис под исти услови и критериуми“, пишува во извештајот.

Девет месеци откако се појави проблем со компресорската станица на Клинички, пуштена во употреба новата инсталација

Девет месеци откако се појави проблемот со компримираниот воздух во Клиничкиот центар, денерска е пуштена во употреба нова компресорска станица. Како што изјави министерот за здравство Арбен Таравари, има 3 нови...

Македонија ќе бара да увезува 18 типови неопасен отпад од ЕУ, најмногу метали, но и масло, хартија и стакло

Македонија ќе бара да увезува осумнаесет типови на отпад, деклариран на листата на неопасен отпад од земји од Европската Унија. Метали и отпад од обоени и необоени метали, калај, железо, цинк,...

Самитот за вештачка интелигенција оддржан во Париз привлече светски лидери и директори кои се залагаат за едноставна регулација

Светските лидери и технолошките извршни директори денес се собраа во Париз за да дискутираат како безбедно да ја прифатат вештачката интелигенција во време на зголемен отпор кон регулативите, кои бизнисите ги...

Индиската полиција прекина уличен настап на Eд Ширан во Бенгалуру

Индиската полиција го пречила настапот на познатиот пејач Ед Ширан, на улица во Индија, во моментот кога на тротоар го пее неговиот хит „Shape of you“ пред насобрана публика во јужниот...

Девет месеци откако се појави проблем со компресорската станица на Клинички, пуштена во употреба новата инсталација

Девет месеци откако се појави проблемот со компримираниот воздух во Клиничкиот центар, денерска е пуштена во употреба нова компресорска станица. Како што изјави министерот за здравство Арбен Таравари, има...