fbpx

Едногодишно дете починало од ковид-19 на крајот од ноември, денеска шест починати лица

-

Едногодишно дете починало од ковид-19 на 29 ноември, информираа од Институтот за јавно здравје. Според податоците добиени од Клиниката за детски болести, станува збор за дете кое престојувало во дом за деца без родители во Битола и истото повеќекратно наназад било хоспитализирано поради компликации во склоп на основните заболувања: Остеохондродисплазија, Епилепсија, Хидроцефалус, Малнутриција и Дилатациона кардиомиопатија.

„До денот на последната хоспитализација, детето е хоспитализирано во Клиничка болница Битола каде поради долнореспираторен инфект е лекувано од 15.11.2021 до 24.11.2021 кога поради влошување на општата состојба и добиен позитивен тест на Ковид 19, е упатено во ИБЗД Козле“, информираат од Институтот за јавно здравје.

По аплицирана терапија и неможност да се одговори на тежината на клиничката слика, детето од болницата „Козле“ е префрлено на Клиника за детски болести како институција од терцијарен карактер, за понатамошен третман и соодветно лекување, но бебето починало на 29 ноември.

Ова дете е само едно од петте лица што денеска се пријавени во Регистарот на умрени лица со дијагноза ковид-19 од „Мој термин“. Станува збор за лица починати од 22 ноември до 20 декември од Куманово (2), Скопје (1), Битола (1) и Гостивар (1). Најмладиот случај е бебе на една година, а најстариот на возраст од 86 години.

Во изминативе 24 часа се регистрирани 311 оздравени пациенти, како и 6 починати лица: 2 починати лица од Велес (64г и 83г) и по едно починато лице од Скопје (74г), Прилеп (90г), Кичево (85г) и Радовиш (79г).

Според најновите бројки што ги соопшти Министерството за здравство (МЗ), во изминативе 24 часа со направените 3.511 тестирања се откриени 333 нови случаи на ковид-19.

Од 333 нови случаи на болеста, најголемиот број се од Скопје – 181, а следуваат Прилеп и Битола, со по 25 нови случаи, потоа Охрид со 14.

Досега во земјава се направени вкупно 1.565.599 тестирања на ковид-19. Вкупната бројка на ковиддијагностицирани лица изнесува 222.666, бројот на оздравени пациенти е 209.602, на починати е 7.879, а бројот на активни случаи изнесува 5.185.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Путин: Немаме намера да нападнеме земји членки на НАТО

Русија нема планови за напад на земјите членки на НАТО и нема да ги нападне Полска, балтичките земји или Чешка, но доколку Западот испорача ловци Ф-16 на Украина, тогаш...