Патнички воз во кој се наоѓале членови на Конгресот на САД од редовите на републиканците, кои патувале од Вашингтон кон Западна Вирџинија, удрил во камион за превоз на отпад во Кросет, Вирџинија, јавуваат светските агенции.
Во несреќата загинало едно лице, кое не било во возот.
Инцидентот го потврди и Белата куќа.
„Претседателот Доналд Трамп е информиран за ситуацијата во Вирџинија. Имаме потврда дека едно лице смртно настрадало, а едно е сериозно повредено. Нема посериозно повредени меѓу членовите на Конгресот или меѓу нивниот персонал“, се наведува во соопштението на Белата куќа.
Железничката компанија „Амтрак“ соопштила дека до несреќата дошло во 11.20 часот според локално време и дека нема информации за повредите на патниците и на членовите на посадата на возот.
Полицијата ги истражува причините за инцидентот, додека надлежните ги утврдуваат штетите од несреќата.
Конгресменот Карлос Курбело за телевизијата МСНБЦ (MSNBC) изјавил дека имало помал број полесно повредени, но дека „најголем дел од патниците се во ред“.
„Ние сме добро, но нашиот воз удри камион за превоз на смет. Членови со медицинска обука им помагаат на возачите на камионот“, напиша конгресменот Грег Валден на „Твитер“.
We're fine, but our train hit a garbage truck. Members with medical training are assisting the drivers of the truck. pic.twitter.com/0I9jOwHTmb
— Rep. Greg Walden (@repgregwalden) January 31, 2018
