fbpx

Една четвртина од македонските граѓани „живеат за денес, немислејќи за утре“

-

Една четвртина (25 отсто) од македонските граѓани се согласуваат со ставот „живеј денес и не мисли за утре“, 17 отсто се неутрални по ова прашање, а 51 отсто не се согласуваат со ваков начин на живот. Ова се дел од резултатите од анкетата на ОЕЦД и ИНФЕ објавени во извештајот „Финансиската писменост на возрасните во Југоисточна Европа“, во кој се мери степенот на финансиска писменост на населението од овој регион.

Според извештајот, анкетираните граѓани од Бугарија, Северна Македонија, Хрватска, Грузија, Молдавија, Црна Гора и Романија се загрижени и под стрес за нивната финансиска состојба и можноста за ги покријат животните трошоци.

Земја со најголемо незадоволство од овој аспект е Грузија (58 отсто од анкетираните), а земји со најзадоволни граѓани се Хрватска и Северна Македонија, каде само 36 отсто од возрасните искажале дека се незадоволни од нивната финансиска состојба.

Инаку, мерењето на финансиската писменост покажа дека возрасното население од Југоисточна Европа постигна околу 57 отсто од можниот максимум, што е пониско од постигнатите резултати на земјите од ЕУ и ОЕЦД, добиени преку истата методологија од истражувањата, од 64 отсто и 65 отсто, соодветно.

Од Народната банка велат дека значајно е да се истакне дека оваа публикација ги опфаќа резултатите од второто мерење на нивото на финансиска писменост кај возрасното население во Северна Македонија.

Оттаму додаваат дека првото мерење е извршено во првиот квартал на 2018 година. Добиените резултати од двете мерења се споредливи, со оглед на тоа што во двете анкети е употребена иста методологија. Од НБМ велат дека бидејќи станува збор за релативно краток временски период во којшто се спроведени двете мерења, агрегатниот резултат е ист.

„Имено, населението во Северна Македонија и во 2018 и во 2019 година оствари 56 отсто од максимумот, или агрегатен показател 11,8 (од кои 3,9 за финансиските знаења, 5,1 за финансиското однесување и 2,8 за финансиските ставови). Во споредба со структурата на показателот во 2018 година, има само мали поместувања (во 2018 година кај финансиските знаења е 4, за финансиското однесување е 5 и исто ниво од 2,8 е за финансиските ставови). Резултатите од првата, како и од втората анкета укажуваат на тоа дека е потребна поголема информираност и едукација на населението за употребата на различните современи банкарски и други финансиски производи и услуги“, соопшти Народната банка.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...