На територијата на државата денеска се регистрирани девет пожари на отворен простор, од кои само еден останува активен, информираат од Центарот за управување со кризи (ЦУК).
Активниот пожар е кај селото Стровија, во близина на местото Гајдарец-Клепало, во општина Долнени, каде што гори нискостеблеста шума.
Од ЦУК соопштуваат дека еден пожар е под контрола, а седум се целосно изгаснати, благодарение на брзата интервенција на теренските служби и соработката со локалното население.
Под контрола е и пожарот на планината Готен, од беровската страна, каде што гори мешана шума од бор, бука, смрека, грмушки, ниска вегетација и ниска вегетација.
