fbpx

ДЗС: Стапката на невработеност се намалила на 14 отсто на крајот од 2022

-

Стапката на невработеност во Македонија на крајот од 2022 година се намалила на 14 отсто, објави денеска Државниот завод за статистика. Бројот на невработени на крајот од четвртиот квартал лани изнесувал 112.227 лица, што претставува намалување за над 7.200 лица во споредба со првиот квартал од 2022 година. Во проценти, стапката на невработеност на почетокот од 2022 година била 14,7 отсто, што пак значи дека за една година опаднала за 0,7 отсто.

Бројот на вработени на крајот од 2022 година изнесувал 690.053 лица, односно стапката на вработеност изнесувала 47,2 отсто и била идентична со почетокот на минатата година. Идентично како и кај невработените лица, статистичките податоци говорат дека и бројот на вработени лица во земјава постепено се намалувал во изминатите четири квартали од 2022 година.

Како и во текот на минатите години, традиционално најголема стапка на невработеност има кај младите на возраст од 15 до 24 години. Во четвртиот квартал од минатата година стапката на невработеност кај младите изнесувала 31,8 отсто. Наспроти младите, најниска стапка на невработеност од 10 отсто имало кај лицата на возраст од 50 до 64 години.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Доналд Туск: Во ризик сме од војна, Европа не е подготвена

Полскиот премиер Доналд Туск изјави оти смета дека постои огромен ризик од војна и оти никој во Европа нема да се чувствува безбедно доколку Русија победи во Украина, пренесува...