Централното претседателство на движењето за реформи на ДПА на денешниот состанок одржан во Тетово, одлучи партијата да не учествува на изборите закажани за 24 април.
– Ние одлучивме да не учествуваме на изборите затоа што сметаме дека не се исполнети условите. Легитимитетот од овие избори е многу поважен за Албанците отколку за некои што сакаат само да го користат легитимитетот за да формираат нова влада – изјави Зијадин Села, претседател на движењето за реформи на ДПА
Села смета дека вчерашната одлука во собранието за организирање избори на 24 ашрил е противуставна.
– ДУИ веќе покажаа дека не работи за доброто на Албанците, туку нејзиниот легитимитет се базира на заштита на својот коалиционен партнер, ВМРО-ДПМНЕ – додаде Села.