fbpx

Движење за реформи на ДПА: Македонија да стане бинационална држава преку промена на Уставот

-

„Со протестот кој го одржавме во Скопје на 22 април, покажавме дека освен на Македонците, постои и проблем на Албанците, кои сè уште во оваа држава се борат за рамноправност“, истакнаа од Движењето за реформи на ДПА, попладнево на прес-конференција.

Оттаму посочија дека нивните барања се јасни, а тоа е промена, како што рекоа, на режимот кој владее во Македонија и промена на Уставот на државата.

– Преку протестот покажавме дека основниот проблем е системски и дека треба да се промени Уставот на Македонија. За да биде овој систем одржлив подолг период, треба Македонија да стане бинационална држава преку промена на Уставот – изјави Арбен Таравари од Движењето за реформи на ДПА.

Во петокот во Скопје, Сојузот на Албанците составен од две партии, Движењето за реформи на ДПА и Национал-демократска преродба, одржаа протест на кој поддршка му дадоа здруженија на поранешни припадници на ОНА, политички затвореници и протерани Албанци од Македонија.

Учесниците на протестот побараа владеење на правото, департизација на институциите и целосна еднаквост на Македонците и на Албанците.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...