Две лица загинаа во сообраќајната несреќа што се случи изутринава во 6.10 часот на магистралниот пат Струмица – Радовиш меѓу селата Владевци и Радичево.
Според информациите од струмичката брза помош, двете лица животот го загубиле на местото на несреќата. Уште едно лице е потешко повредено и е префрлено на хируршкото одделение во болницата во Струмица.
Засега нема информации за други повредени.
Според првичните сознанија, несреќата се случила при директен судир на патничко моторно возило и на камион.