Две лица се убиени од огнено оружје во ресторан за брза храна „Мекдоналдс“ во Торонто. Пред убиството се случила расправија пред шалтерот за служење храна, соопшти канадската полиција.
Двајца мажи, на возраст од 25 и од 40 години, почнале да се расправаат со еден клиент кој со себе имал огнено оружје. По настаната тепачка, клиентот со оружјето стрелал и ги убил двајцата мажи.
Полицијата наведе дека откако ќе ги прегледа безбедносните камери, ќе го утврди степенот на одговорност на убиецот, кој е повреден во тепачката и пренесен во болница.
