Шпанската полиција денеска, во организирана акција, уапсила три лица осомничени за поврзаност со Исламска држава (ИД), јавуваат светските медиуми.
Според информациите, повеќе десетици полициски специјалци извршиле рација во стан во Барселона и уапсиле двајца мажи од мароканско потекло, а една жена била уапсена во градот Гранолерс.
Тие се товарат дека преку социјалните мрежи ширеле џихадистичка пропаганда и дека поттикнувале лица да заминат во Сирија и во другите кризни жаришта.
Од почетокот на годината во Шпанија се уапсени 68 лица, осомничени за поддршка на тероризам.
