Во израелски воздушен напад на северот на Појасот Газа загинаа 20 лица, претежно жени и деца, соопштија денеска палестинските власти.
Според нив, жртвите на нападот се членови на неколку раселени семејства сместени во зграда во Беит Лахиа, во близина на границата со Израел.
Истовремено, израелската армија објави дека цел на нападот бил магацин со оружје на екстремисти и дека пред нападот „преземени се бројни чекори за намалување на опасноста од нанесување штета на цивилите“.
Меѓу загинатите има осум жени и шест деца, соопшти палестинското Министерство за здравство.
