Душко Арсовски денеска го заврши својот ангажман како портпарол на Владата на РСМ. Премиерот Димитар Ковачевски му се заблагодари од негово име и од името на владата, соопштувајќи дека одлуката е донесена на сопствено барање на Арсовски и дека тој ќе продолжи со друг предизвик во својата професионална кариера.
„Можам да се заблагодарам и на медиумите за соработката и на владата за довербата во изминатиот период“, изјави Душко Арсовски.
Премиерот Ковачевски рече дека верува дека голема благодарност ќе упатат и медиумите.
„Со нив тој комуницираше 2,5 години на врвно професионално ниво и практично тој беше дел од процесот во кој Владата како институиција беше оценета како најтранспаретна со 100 отсто транспаретност. Душко ти благодарам и ти посакувам многу лични и професионални успеси во понатамошната кариера“, рече Ковачевски.
Арсовски беше именуван за портпарол на Владата на 13 октомври 2020 година на владина седница, откако претходно голем дел од својата дваесетгодишна кариера ја помина како новинар и уредник во Македонската радио-телевизија (МРТ).
