Македонскиот композитор Дуке Бојаџиев, на 13 февруари ќе одржи концерт заедно со оркестарот на Македонска филхармонија. Публиката ќе има можност да ужива во несекојдневна и атрактивна програма, насловена „Сон, верба, љубов“.
Концертот ќе се одржи во Македонска опера и балет во 20 часот, под диригентската палка на маестро Борјан Цанев, а на сцената заедно со Бојаџиев, кој ќе свири на пијано, ќе застанат и вокалот Крсте Роџевски, кларинетистот Исмаил Лумановски и перкусионистот Матијас Кунцли. Дуке Бојаџиев, како и останатите музичари, веќе долги години живеат и творат во центарот на светската култура, Њуjорк.