fbpx

ДУИ за договорот: Македонија од синоќа е посилна

-

Демократската унија за интеграција (ДУИ) го поздрави вчерашниот договор, за како што се вели во соопштението од партијата, „единствената отворена точка од договорот од 2 јуни, која се однесуваше на формата на владата што ќе ги организира предвремените избори“.

„Македонија од синоќа е посилна, ја врати политичката стабилност и се доближи уште повеќе до НАТО и до ЕУ. ДУИ им се заблагодарува на авторитетите од меѓународната заедница за придонесот кон постигнување конечен договор и изразува почит и за конструктивната улога на партиските лидери во правец на надминување на тешката политичка криза во земјава“, стои во соопштението на ДУИ.

Од партијата велат дека „договорот од 2 јуни заедно со извештајот на Рајнхард Прибе, итните препораки на Европската комисија (ЕК), препораките на високиот дијалог од ЕУ како и препораките на анкетната парламентарна комисија за настаните од 24 декември, се предмет на работната група под раководство на Петар Ванхут, со учество на ВМРО-ДПМНЕ, СДСМ, ДУИ и на ДПА, како и олеснувањето на ЕУ и на САД“

Во контекст на договорот на 2 јуни, ДУИ до работната група доставила предлози за точките што се однесуваат на меѓуетничките односи, односно: „Поделба на 3 најзначајни државни позиции со ротација (Претседател, Премиер, Претседател на Собрание), фер и правична распределба на буџетот, балансиран регионален развој, јазичните политики, адекватна и правична застапеност, консензуалност, помирување, националните симболи, договорот од 29 мај, 24-часовна државна телевизија на албански јазик, мерки за градење доверба и ресоцијализација“.

Како теми на разговор од ДУИ биле предложени односите со Албанија, Косово, Бугарија и со Грција, заедно со предлозите за забрзување на евроатлантската интеграција на земјата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...