Државата денеска, наместо 5,1 милиони евра, се задолжи со 9,95 милиони евра кај домашните кредитори.
На аукцијата на хартии од вредност се продаваа три месечни записи со и без девизна клаузула и записи кои доспеваат за 12 месеци, при што од кредиторите беа земени 9,95 милиони евра.
Државата првично побара заем од 5,1 милиони евра од домашните кредитори за да се раздолжи утре, кога врз основа на доспеани долгови треба да ја врати истата сума пари.
Во првите три месеци од годинава јавниот долг изнесува 4,3 милијарди евра, што е 45 проценти од домашниот бруто-производ.
